حمدين واحد خمنا

كتب/جمال عبدالناصر زنون

منذ وصول الرئيس الضرورة للسلطة ولا يتوقف مؤيدوه عن شيطنة حمدين صباحي وتخوينه وإتهامه بما ليس فيه عن جهل وفي الحقيقة بعضهم لا يعلم عنه شيئاً ولكنهم يشعرون بالنقص في إختيارهم
فكلما أحسوا فشل الرئيس سبوا حمدين.
والحقيقة أني لا أدافع عن الرجل فهو فاشل حقاً وهو السبب فيما تمر به البلاد من مصائب وإليكم ما فعله وما تسبب به حمدين صباحي.
أيوه صح هو حمدين صباحي اللي كذب ع الشعب وقالهم في جهاز كفته لعلاج الأمراض.
هو السبب في غرق اسكندرية والبحيرة.
هو اللي قتل شيماء الصباغ.
هو اللي بيقول لأفراد الشرطة يقتلوا الناس ويبلطجوا عليهم كل يوم‫#‏الحالات_الفردية‬
حمدين صباحي هو اللي طلع مبارك براءة.
هو السبب في انخفاض الجنيه الجنوني أمام الدولار.
حمدين السبب في الارتفاع الجنوني في الأسعار.
حمدين السبب في البطالة.
هو السبب في العشوائيات.
هو السبب في ان ناس بتاكل من الزبالة.
حمدين هو اللي بينتهك الدستور اللي الشعب كله وافق عليه.
هو اللي وصل مرسي للحكم وكان عارف انه ارهابي باعتباره كان بتاع مخابرات وعضو في المجلس الموقر.
حمدين هو اللي باع الجزر للسعودية.
هو اللي نزل البلطجية يعتدوا على أهالي الشهداء.
وهو برضه اللي اعطى للقتله براءة.
حمدين اللي إقتحم نقابة الصحفيين متنكر بزي شرطة.
هو اللي قبض على أنضف شباب في مصر ورماهم في السجون.
هو اللي وقع الطائرة الروسية.
هو اللي قتل السياح المكسيكيين.
حمدين اللي فتش الراجل اللي خطف الطائرة المصرية.
هو اللي قضى ع السياحة في مصر ودمر الإقتصاد.
هو اللي سمح بالفساد وأقال هشام جنينه لما كشف الفاسدين.
هو اللي سجن اسلام بحيري وبيدافع عن الوهابية.
هو اللي ساب أثيوبيا تبني السد.
هو اللي بيدلل رجال الأعمال وبيرخص لهم الغاز والكهرباء وبيغليهم ع الغلابة.
هو حمدين اللي ضرب الأطباء والمحامين والصحفيين.
هو اللي جاب وزراء فاشلين وهو برضه أقسم على إحترام الدستور وطلع كذاب.
هو اللي كل الاعلاميين والصحفيين أيدوه وانتخبوه باعتباره الرئيس الضروره ولما انتقدوه اصبحوا خونة وممولين ويجب مقاطعتهم.
هو حمدين إللي بيأيده أمنجية من نوعية أحمد موسى.
هو اللي ساكت على ضرب اليمن وتدمير الجيش السوري.
اه صح هو اللي ضرب مبنى التجارة العالمي واللي فجر باريس
بالمناسبة محمد صبحي عامل حلقة عن العشوائيات وان في مئات الأسر المصرية عايشة في خيم (مخيمات) غير آدمية داخل مصر بقالها سنتين ومحدش معبرهم ….العشوائيات دي بقى حمدين هو اللي عشوأها
‫#‏حمدين_فاشل‬
‫#‏حمدين_باع_أرضك‬
‫#‏حمدين_إتسعر‬
‫#‏الداخلية_كيوت_ولذيذة‬
‫#‏تيران_وصنافير_سعودية_من٧٠٠٠_سنة‬
وتحيا مصر
‫#‏مواطن_مكبوت‬